小兔蝸居*BiLiBa

好耐無寫,因為成日掛住打機(喂),仲有清理下間屋,又要一個人將書台抬入房,本來間房已經唔大,而家好似好迫囧~

當然都不忘出去買下野,衫褲鞋襪......其實著舊的拜年都無人知.......
重點都係幫小鬼搵下裝飾品,搵到呢套憤怒鳥利是封,邊有人會用咁大個利是封,得個4個成十幾個大洋囧~
當然,我仲未派利是囉囧~用黎貼在牆上面...
仲有呢套小福揮春,係我執野時搵番~


仲有呢個年年都出的扭蛋,又係煎堆年糕油角個d,今年一扭就中全盒....(年年都唔中)


呢個鼠年全盒,年年都係拆蓋用,今年唔知邊度搵左條蛇,就貼上去做蛇年全盒....


今年其中一張新年圖,慳水慳力....


今年都有水仙花,唔知點天氣咁暖都生得好慢,而家先得幾個花芯,快d開花啦......


仲有今日有花市,去左花墟,可能比較早,有d檔仲未開,同埋睇落都無咩特別,可能對蛇的興趣不大.....
不過都會再去,或者會去下其他花市....

------蛇年願望------

蛇年願望嘛......其實都係好普通不過的事....
首先會搵份新工,其次是會增值下,會去學試算表(學過又唔記得orz),遲下會學英文.....

仲有希望可以改善下用親朋之間的關係.....其實一直以來同佢地感情一般,我心知道係咩一回事......
有時同佢地食飯,我係可以成晚都唔講一句......佢地就成日叫我多d同佢地講下,講完笑左就算..
鬼唔知阿媽係女人咩??都要有人理下我先得架....有時講出黎又唔鍾意,好煩囉~仲有唔係咩都可以講完笑左就算....
不過人地會唔會繼續唔理我就唔知,我就一定會試下,唔得既話.....我咪又成晚唔洗講,哈哈~

都有d開心的,就係某日見番一個中學時的朋友,畢業之後都有聯絡,後來無....點知我十年唔去個邊,一去就見番,有時真係整定....
希望可以多d搵佢啦....