相片整理and scanner的選擇 @ 小兔蝸居*BiLiBa

呢幾個月都在睇下舊相,再選部份放上其中一個FB,雖然那FB到現在都好少人add.....
上面個堆相片都只是一部份,都是細個時影得多......

唔知咩原因細個時總是最多相,大概大個之後人和人之間太多計算.....

睇番細個時一齊影相的人,而家有幾多個可以經常見面??又有幾多個仲好似以前咁??
而家我在FB都見到一些識的人,不過我無選擇add佢地,因為我不知道佢地想唔想add我,次次睇到佢地的FB,都是想同一個問題.....
可能有日我都試下add佢地.放d相去FB都是想比佢地睇.......

相片都幾多,因為沒scanner,所以都是用相機影相放上網.........就係因為咁麻煩,所以都係想買個scanner........當然呢d"粗重野"都係我去做......囧
在電腦廣場,遇到3間服務態度不一的店......

店A:企在一堆scanner前,女店員問我想要咩,我話要printer+scanner,佢猶豫左一陣,就指左其中一部....眼見面前的都是printer+scanner,好明顯女店員求其是但指一部,但佢又無主動介紹有咩功能什麼,我企左咁耐佢又無反應,最後無理佢走左.....

店B:又企在一堆scanner面前,男店員走來問,我話想睇一部printer+scanner,男店員就首先問需要咩功能,有咩作用......一堆問題,最後佢介紹C牌子,又比左印出來的相片我睇,又詳細介紹,仲比埋單張我可以番去慢慢睇......

店C:我拿住C牌子單張行過,年輕男店員即刻攔截住,佢話間店是代理H牌子,話部機幾好幾好,但就一張相都無得睇囉....之後重話呢個牌子用的墨水係一隻色一盒,成本平,又話C牌子有d機用幾隻色一盒.......其實,而家唔少牌子都係用一隻色一盒,同埋人地買printer,第一件事唔會睇d墨水囉囧~

有時買機,都係睇多幾間穩陣,有時件貨幾好,遇到間唔好的店一樣死.....