小兔蝸居*BiLiBa

中秋節雖然幾日假期,but都無心情出街,一來咁多日假,出面人多車多....二來人老了(囧),唔會好似以前咁成班plan晒節目,我以前成日做搞手,人地一係無主見一係多不必意見,咩都係我做,最後唔係一個二個唔得閒,就係個個都唔鍾意我plan的節目,最後我無再搞,只會約一些有主見又唔會為反對而反對的朋友......
都係回家最好不過.....

見天氣咁好,所以決定改下娃妝.......
一次過有5個無妝頭在家....


首先化了3個小鬼妝........


今次娃妝,acrylic用來畫眼線同內眶,仲有卡露的妝主要都係用acrylic...

滿月的眉畫了幾次都畫唔好,畫得太粗太深色,最後完妝噴埋消光都要磨幼少少.....
下睫毛只畫幾條,雀斑畫深色d,感覺仲好......

小悅的妝基本上都是跟以前畫法,只是嘴太難上色,今次淺色d.....

卡露的惡魔妝簡直是自由發揮,今次比上次更加重手,嘴色畫個時未洗筆,連埋之前眼線色畫到一達達,但是我決定保留.....

我發現自己繼續犯下同一錯誤,噴晒消光先發現3個妝都有一些污,卡露最嚴重,明顯,滿月小悅無咁明(又是我的影相發揮技術)....

小悅的妝其實影到唔少暇疵,但整體我覺得唔錯~~~



滿月仲未貼睫毛,呢個wig我又拆左做孖辮,而家好似紅髮安妮....



另外發現相機有一些特別效果,有水彩,繪畫,加強色彩,不過呢d都可以用美圖呢d改圖工具加工,仲可以調較效果強弱.....
反而反射,魚眼鏡,針孔好玩等得多......不過我以前部機可以影黑白,呢部都無orz....

今次玩針孔,效果幾特別.......



影相個時咩都無準備,連之前間屋都玩到亂晒,囧~所以留番下次先影.......
卡露要化埋身,消光又用完,另外兩個幼下次先化.......

======講埋其他先======

話說我都好鍾意將娃湊埋一對......

前幾日又無意去Lati官網,見到新出阿拉丁系列.......
第一眼睇中的,是主角阿拉丁Miel.....(懶得貼相,自己去官網睇orz)
http://latidoll.com/2007_en/index.htm?mode=product_view&big=2&mid=3&num=7680

雖然好鍾意,但無之前星球玫瑰咁有種非買不可的感覺......因為佢唔係最愛,還是有星球玫瑰,暫時唔想咁快又買??
希望下年DP可以見番佢啦........

今次阿拉丁系列唔錯,有鬚的Belle真係笑到停唔到,瞇眼Coco都好正.....(連官網都懶得貼了囧)