小兔蝸居*BiLiBa

天朗氣清的星期日,想同陽光玩遊戲,想來想去想到一堆地方都唔知去邊好......
最後決定近近地去馬騮山睇馬騮(猴子)...
都唔記得幾多年無去過,不過偶然搭巴士來往沙田都見到幾隻,車上面的小朋友睇到拍晒手......同我細個時一樣!!


因為中午先決定去,晒到死,所以只係去睇馬騮,首先去對面獅子山.....


馬騮們基本上都係當人無到直行直過,不過如果手持膠袋食物就祝你好運...




行入去有個好似工地(?),有幾個工人,隔離就係鷹巢山,不過見人少少而且好陰森,唔敢行入去.......


跑去對面的金山,即係馬騮山...
呢條係車路,有時會有車出出入入,不過水壩就只可以入到一部車,但入來的司機都唔會因為有個人或者有隻馬騮在路上就亂bu....


雖然行馬路都無樹遮頭,不過可以睇到九龍水塘同副水塘風景......




行到樹木研習徑都唔多見有馬騮,只是見到幾只在水塘游泳....



之後因為來了一對手持膠袋的中年夫婦,結果引來一堆馬騮.......
仲見到有個阿婆同其他遊客拿蕉同花生餵馬騮,喂唔係唔可以餵咩???

下次都一定會再去!!!

在家樓下影的,應該今個月之內會搬回舊屋......


還有y-blog將會轉新版,我都可能幾日內會轉,雖然都未係好識用.....
http://blog.yahoo.com/_IO2GUJH65AHNORZUXUQDOZNULU/articles