小兔蝸居*BiLiBa

下星期就要裝修,呢幾日將d野搬左過去新屋,住的地方唔算太遠,不過行去地鐵站就....
一路整理一路都係嬲嬲地,同家人感情已經係唔好,有d事同佢地想法唔同....佢地成日咩野都要掉晒佢,但我唔想囉,所以我先一早租定迷你倉放雜物....算啦,已經唔止一次同佢地想法唔同,我打算第日裝修好張床一定一定要自己比錢買,因為佢地鐘意的,我應該唔會鍾意.....(唉)

今日我要打電話同上網方面提出搬遷,不過那公司客服差到無朋友,之前問野已經要打3次先有人答問題,今次仲衰,有位唔知咩小姐只叫人留電話,之後音訊全無....再打去仲有人睬你咩???
最激氣係,7點幾同一公司打黎,只係sell我1000次都sell唔到的爛鬼電視優惠......
係我的超級大問題未解決之前,唔該唔好講埋無關事的廢話!!!如果係以後100年都只係一蚊一個月另計....(哈哈哈~)
明天再打過!!!!

之後就係化妝學校方面,本來的報的課程7月上課,點知學校方面打來話我會6月上課....本來都唔係咩事,不過佢話今個月要比埋學費.....歐賣吉~~即係明天一定要交學費,好在我幾時都有準備(?),不過6月上課都好,雖然又要平日上課....(6月平日晚上,7月星期六全日)

今日做咩咁多事件????

我部電話叉電點越來越慢,為免出現"突然死亡",我今日又出mk睇下....
我用電話都係用開邊隻牌子就以後都用,所以今次都可能買番SE(對"埃瘋"無興趣!!),而家的電話都係"篤芒",囧!!我都係鍾意9粒掣......

有隻勁想買好耐的DVD二手價好平,不過耍忍下手唔買,第日裝修好之後先,如果隻DVD仲未賣出的話.......

不過今日都有開心事,就係搵番唔見左好耐的VCD啦........