小兔蝸居*BiLiBa

前晚一次過ko晒兩份自己負責做個part,真係唔試過都唔知自己真係可以,勁呀!!
昨晚同miss講解,miss都覺得我個組好有創意,最緊要做的過程....雖然唔係咁鍾意呢個miss的課,不過最後一堂都唔係咁捨得....
最難得係,miss記得我個名,嘻嘻~~

二月份是一個令人瘋狂的日子,前幾日去SSP執左兩對鞋.....仲有買定wig同鞋比Sunny妹妹,見到團訂就落單,今個月就已經5個團訂有我份......
唔講真係以為自己10年無買過娃品...

最面個張就係Sunny妹妹的單,其他都是wig同衫鞋的單,大多數比Sunny妹妹,不過都訂左少少比雪諺同小愛.....男仔沒份囧!!!!!
而家買娃品都係要上網買,因為都好少店可以買......而家做娃生意都唔易,上次去銀城,已經唔同晒....以後無咩必要,都唔會去銀城~~~

其實呢,我已經幫Sunny妹妹改左名,名就跟庭庭一樣疊字,不過都係等妹妹番來先改..

-------分隔線-------
本來有d事想寫,不過今日朋友一些事有少少睇唔過,好想寫下....

話說今日在某商場行,行過間賣吐司的店,我話呢間店幾好食,點知佢話吐司係屋企整都得啦,洗咩係度食??
我聽完囧晒,我真係好想回應佢:飯夠可以係屋企食啦,又洗咩鬼勞煩小姐你千里迢迢過海同我食呀???(佢真係覺得過個海都嫌遠個種)
呢位朋友硬係鍾意講埋d令人唔知好嬲定好笑的事,好似我講某牌子mask唔錯,佢又問:你覺得點為之好先??
聽完之後,幾乎暈低.....我點答好啊????
今日佢仲有其他偉論的,不過懶得寫啦....

最睇唔過係佢成日話不織布袋好唔環保,次次買野寧願一個二個膠袋.....個人睇法,佢咁樣真係好唔環保下囉.......仲有市面上有咁多唔同質料環保袋,梗有一款合用,不過我都係無講咩,想法唔同我無理由逼佢......

佢都有玩B女,不過無BJD,佢想叫我明天去香港公園影相,我想都唔想推左.......我寧願明天執下野,再唔係可能又出SSP......明天我真係好想一個人好好地做自己事!!!!

我不如留番下個月花展時影到夠,有可能去兩次,其中一日是平日~~期待ing~~