小兔蝸居*BiLiBa

重陽節梗係要去登高啦,今次照舊上山頂,哈哈~~
本來打算跟上年"攻頂"路線,因為上網見到綠色和平希望號開放參觀,地點係堅尼地城的招商局碼頭,剛好可以由龍虎山行落去睇,所以決定唔去山項花園....
今期路線:薄扶林水塘道上山頂,再由盧吉道行去龍虎山,經松林廢堡行出蒲飛路去招商局碼頭...

山頂同松林廢堡相影左好少,反正去過咁多次,下次又會再去.....
由薄扶林開始到盧吉道都係一堆人,從未見過咁多人行囉......
山頂廣場開左間"周大叔",真正的金鋪多過米鋪....囧~

一看下去,d樓密則則,香港發展快得不得了,但發展快之餘,又犧牲了一些自然資源......可能50年後,眼前片樹林都要比晒有錢人起人工花園洋房...


傳說中的石龜.....


印度橡樹........



再行去松林廢堡,郊遊區人比較少,可以開餐....



落山的"天梯"....


堅尼地城好耐無去過,而家起地鐵,周圍都整路,d鋪頭都唔同左,只是無咁多連鎖店,遲d好難講.....

行到差不多巴士總站先到碼頭,可能地方偏遠,所以無想像中咁多人.....船唔係好大,所以要排隊分批入,等的地方有位坐,又有展板講海洋生態同捕魚情況....



入去都係要跟路線,有人講解船上設備,仲可以去駕駛室.....











之後去埋附近遊樂場的維多利亞城界石,再去埋總站的東華痘局牌坊....



今次懶得整相....

早預計到個麻煩朋友又來找我,好在早已經熄電話,梗係啦,次次去來去去唔係灣仔銅鑼灣就mk,去遠d又話遠....而家我真係買佢怕,佢講的做的真係令我覺得好囧....有時點都要互相遷就,但係而家我好似要就晒佢囉......
個d地方平時已經行到唔想行,假期人多車多仲同人逼.....真係梗有一間係左近的連鎖店好行d咩???咁我寧願在家煲碟好過!!!