小兔蝸居*BiLiBa

呢排天氣無咁熱,又是行山郊遊的時候....
自從開始行山,我越來越唔鍾意人多車多的市區行,有時假期一日半日,去郊區都係唔錯的選擇~

今次我是一個人去,事緣某朋友想約我去灣仔睇halloween野,我毫不猶豫推左,因為:
1.次次都要我過海去灣仔睇,灣仔的咪即係mk的,mk的咪又係ssp的....咁我仲洗鬼比廿蚊車錢去睇咩??
2.我唔係太想同個位朋友去,次次去灣仔,都係行行下又行左去銅鑼灣,但係睇的9成都係佢鍾意,我鍾意的佢又唔會鍾意,次次行到腳跛,晒氣!!!
3.主要原因,因為我好耐無去馬騮山啦,仲好過去市區同人逼啦,哈哈~

今次因為一個人去,所以為安全計唔會行太入,亦都盡可能行大路.....
呢部機第一次影馬騮仔,影出來還可以啦,色水唔會差過C牌的機.....以後買機又多個O牌了~

見到馬騮媽同馬騮B....




捉蝨???



呢隻是無一隻手.......


少有的金猴~







今次都見到唔少馬騮,仲睇住佢地過馬路時的驚險場面......
仲有唔少人去餵馬騮,有些馬騮因為爭食打鬥,又有見到人又唔係咁友善....
玩左半日,因為無散紙搭車,徒步行出SSP增值,好在唔算遠但因為是行車路,行人路唔闊,好驚險~