小兔蝸居*BiLiBa

昨天就係的第一次出outjob的日子......

話說學校方面打比我,問可唔可以去outjob,我當時想:我係咪真係得???不過今次係電視台出外景,只做男裝頭,最後我都係去....

回到outjob,一早就同化妝的同學一齊等電視台的工作人員........呢個outjob係一電視台節目,有時在街上面見到有招募參加者,我之前都聽聞會有機會做這個工作.....估唔到今次是我去做!!!!
首先去了西貢碼頭,因為是外景,沒帶風筒等東東,不過又因為沒風筒,我又點做呢???
最後在車上面完成我第一個外景頭...唔可以話難,不過又唔係咁易.............

第二站去了理大,對方是男學生,呢個一早已經整好晒,最後我只要約略修好就可以.......
最搞笑係,我同化妝師要坐在後面做臨記,之後化妝師仲要扮路過~~~

食完飯又跑去第三站:香港仔,我就在車上面"大昏迷"....
地點係一間工業大廈,裡面有一間練泰拳的地方,睇到班人練拳就真的.........
其中一位工作人員話:後面就係墳場,一飛出去就到.......囧
黎到呢度,發現呢個人的頭都ok難搞.....orz

第四站係港大,呢個都唔難,不過到呢度發現自己有很多事情忽略了,而一齊去化妝的同學之前學過,她都好心提了我......
不過呢度set頭化妝無問題,是拍攝方面出現阻濟,首先場地方面會到附近中山古蹟文物徑(類似係咁),不過另一車攝影師唔知咩原因等極唔見人....下一位參加者之前工作人員聯絡時又有不少麻煩事,為怕進度受阻,我同化妝師都即刻回去香港仔準備.....

最後返回香港仔,呢個真係咁多個之中最難搞,我一睇已經發現他的頭是濕的,不過好在他家有風筒,雖然是很舊款那種,不過在我手上已經唔係問題,快手地吹乾頭,再set好........或者以後真的會出現咁多無法預料的狀況,要隨時應變..........

今次我開始知道自己係可以的,當然河,上課時唔會對住真人,而且慢慢搞都可以,所以之後都要好好地練下,因為聽講之後這電視台其他節目有機會再找我.....
結論是:自己是可以應付,不過仍有不足!!!!
仲有可能要買個喼,不過我見最細的都似很大,我想買d可以自己手提的,所以我可能會考慮有轆的旅行袋,或者睇下有無更大個的化妝箱.....

本來今日都有一個,工作人員都有問,不過我不能去了.........